Фотогалерея VIII класса 2024/2025

На осенних каникулах учащиеся 8 класса посетили цирковое ШОУ. Ребята были в восторге от увиденного, получили много положительных эмоций и заряд отличного настроения.

25 октября в учреждении прошла торжественная линейка, посвященная окончанию первой четверти. С окончанием первой четверти учащихся и педагогов поздравила заместитель директора по учебно-воспитательной работе Некрасова Н.А. 

Наталья Александровна вручила памятные издания «Я – гражданин Республики Беларусь» учащимся, которым на протяжении первой четверти исполнилось 14 лет. 

Тыдні беларускай мовы і літаратуры ў нашай школе заўсёды з’яўляюцца яркай і запамінальнай падзеяй. Не стаў выключэннем і гэты, які прайшоў з 20 па 25 лютага  2023 года.

Агульны  цёплы, душэўны настрой надаў усяму Тыдню першы дзень, які прайшоў пад дэвізам: “Рускай мове дай разгрузку – размаўляй па-беларуску”. З самай раніцы пачаліся сюрпрызы: адгадаў беларускае слова – атрымай беларускую цукерку, выцягнуў прызавую латарэю з афарызмамі  – атрымай дзявятку або дзясятку па беларускай  літаратуры.   

Акцыя “Фізкультхвілінкі па–беларуску” аб’яднала ўсю школу:  фізкульхвілінкі, арыгінальныя і цікавыя,  педагогі атрымлівалі пры ўваходзе ў школу. А яшчэ нельга было прайсці міма   выставы “Пісьменнікам-юбілярам прысвячаецца…” ў бібліятэцы, як і акцыі “Размаўляй па-беларуску”.

             Дэвізам другога дня стаў слоган “Роднаму слову – прызнанне ў каханні”. Аказалася, што не так проста адкрываюцца “Скарбонкі мудрасці”, якія былі прадстаўлены ў выглядзе рэбусаў з назвамі гарадоў і птушак. Было цікава, але адгадак дакладных было не так і шмат. У гэты дзень стартаваў і анлайн-чэлендж “Радзіма ў маім сэрцы”, у якім прынялі ўдзел тыя, хто ўмее не толькі бачыць прыгажосць, але і зафіксаваць гэтыя імгненні на фота, згадзіцеся, на нашай Бацькаўшчыне такіх мясцін многа-многа, яны паўсюль. Умець бачыць – таксама талент.

             Трэці дзень “Мова родная – мова модная”дадаў новых фарбаў Тыдню. Акцыя “Далучы сваю далонь” паказала шчырасць і неабыякавасць да лёсу мовы і Радзімы нашых падлеткаў. Пажаданні росквіту і дабрабыту, незалежнасці, радасці, святла, міру – у большасці тых пажаданняў, што напісалі нашы вучні на далоньках.

Стартаваў і анлайн-конкурс “Паэзіі радок чароўны”, у якім прынялі ўдзел вучні, якія любяць выразна чытаць і ўмеюць гэта рабіць. Была створана суполка з педагогаў, якія да канца Тыдня галасавалі, абіраючы самыя-самыя шчырыя,  самыя  артыстычныя выстуленні.

А вось пачаткоўцы нашы вандравалі ў гэты дзень па краіне беларускіх казак. І спасцігалі вопыт нашых продкаў.

Пятніца прайшла пад дэвізам “Дызайн па-беларуску”. Пачаўся ён з двух конкурсаў, практычна адначасова: “І тчэ, забыўшыся, рука…”(конкурс вышываных сурвэтак з сімваламі Беларусі) і “Вокладка любімага твора”. Вочы разбягаліся, сэрца радавалася, гледзячы на такія арыгінальныя вокладкі і такія вытанчаныя сімвалы дабрабыту, сонца… Колькі таленавітых дзяцей і неабыякавых бацькоў ёсць у нашай школе! Вялікі дзякуй і педагогам працоўнага навучання за тое, што навучылі мастацтву дзяўчынак!

Шосты дзень прайшоў пад дэвізам “Збяры Беларусь у сваім сэрцы” і завяршыўся інтэрактыўнай гульнёй “Гонкі за ведамі”. Цікава было і дзецям,  і дарослым адгадваць, што гэта такое ядуць і з чаго гатуюць ежу беларусы, што яны апранаюць, якім парфумам карыстаюцца. А калі на выхадзе яшчэ і вынеслі пару арыгінальных беларускіх слоў, данеслі іх дадому, расказалі бацькам, то, напэўна запомнілі, што мы – БЕЛАРУСЫ. Што мы – самабытны,  таленавіты народ.

І Вы, калі ласка, зрабіце адкрыццё, якое зрабіў нам, беларусам, прарок Караткевіч: “ На Беларусі Бог жыве. І давеку няхай жыве!” І ў нас ёсць усё, каб шчаслівымі быць!